شیخ رشید کے انتخابی دفتر پر نامعلوم مسلح افراد نے فائرنگ کی ہے۔ جس کے نتیجے میں 4 محافظ ہلاک اور شیخ رشید سمیت 3 افراد زخمی ہوئے ہیں ۔ تفصیلات کے مطابق عوامی مسلم لیگ کے سربراہ اور سابق وفاقی وزیر ضمنی الیکشن کے سلسلے میں راولپنڈی میں انتخابی دفتر میں موجود تھے کہ نامعلوم مسلح افراد نے انتخابی دفتر پر اندھا دھند فائرنگ کردی ۔ شیخ رشید کو ڈی ایچ کیو ہسپتال منتقل کردیا گیا ہے۔ ہسپتال ذرائع کے مطابق شیخ رشید کے پائوں پر گولی لگی ہے اور وہ زخمی ہیں ۔ پولیس نے علاقے کا محاصرہ کرلیا ہے۔ وزیر اعلی پنجاب نے کمشنر اور آر پی او کو واقعے کی تحقیقات کا حکم دے دیا ہے۔عوامی مسلم لیگ کے کارکنوں نے دفتر کے باہر مظاہرہ شروع کردیا ہے۔